لمتى يعني ؟
سبتمبر 27th, 2007 في 5:24 ص(الادارة, سعودي, من هنا وهناك)
عيب والله.. !! لمتى راح تجلس الناس ساكته ؟
ناقشني واحد من الشباب ان المحل حط التحذير عشان يفك نفسه من القلق و المشاكل. طيب معليش, لو واحد قال لي سوي شي غلط او ” غبي ” اسمع كلامه ؟. الدخان و مقتنعين انه ما ينفع, التصوير و نمشيها يمكن عشان لا ينسرق تصميم المحل او شكل القهوة او الخصوصية, بس البلوتوث ؟!
موضوع اذا عرف السبب بطل العجب كتبته قبل فترة. الدخان ممنوع بسبب الرائحه, طيب التصوير ممنوع بسبب ؟ و البلوتوث ممنوع بسبب ؟
على قولة ابو نورة ” اه.. ما أرق الرياض “.
غلا الحربي كتب,
سبتمبر 27, 2007 في 5:42 ص
بصراح مره غباء ……..
لو الدخان يمكن مايبغ ريح القهوة تسير كله دخان ام التصوير والبلوتوث لي ممنوع …
لاتقارن الرياض بجده لان صدقني حتتعب من غباء حكين الرياض
البراك كتب,
سبتمبر 27, 2007 في 6:50 ص
اخ محمد شغل بلوتوثك واذا قالك احد شي تعال عندي
..
يعني تتوقع ان فيه موظف يمر على الزبائن يتأكد البلوتوث شغال ولا لا ؟
محمد الرحيلي كتب,
سبتمبر 27, 2007 في 7:47 م
البراك,
مو مسألة ان احد راح يقول شي او لا, اكيد اني راح اخلي البلوتوث مفتوح ولا احد يحق له يقول لي اي كلمة !!
اتمنى انك تنظر للموضوع من ناحية اكبر من كذا
sara كتب,
سبتمبر 28, 2007 في 6:41 م
تصدق محمد لمن اطلب قهوة من عندهم دايما اتنح على لوحه ممنوع تشغيل البلوتوث ههههههه انا عني ماهمني ايش حاطين لاني ما اتذكر اخر مره شغلت البلوتوث!!!!
هم حطوها وقاصدين الناس اللي تستتخدم البلوتوث غلط واتوقع كل النوعيات اللي مرت عليهم من هذا النوع وعلى قولتهم الرياض غير وخلاص تعودنا على حركاتهم الي مالها سنع!!!
ايفاتو كتب,
سبتمبر 29, 2007 في 6:37 ص
السبب : هيئة الامر بالمعروف و طق المنكر طبت على موقع د. كيف فرع طريق الملك عبدالله …
و شافت العالم كلهم يطالعون في جوالاتهم و الابتسامة على محياهم … و بعدها دخلوا قسم النساء لقوا البنات يطالعون في جوالاتهم و الابتسامة مرسومة على محياهم … و حتى المتبرقعات كانوا مبتسمين … فكروا و فكروا …كيف يبتسمون ..الا يعلمون ان هذا منكر واضح ..
فأمروا د.كيف ان يعمل على اختراع وسيلة لمنع البلوتوث … و تسجيلها في مدينة الملك عبدالعزيز للعلوم و التقنية باسرع وقت حفاظا على حقوق المسلمين ..
طبعا د.كيف انتاج عربي فما عرفوا يخترعون الا هاللوحة .. و على قولتك …ريح دماغك
رواية اخرى :
واحد كان يشوف نفسه صايع و ضايع …كان كل يوم في د.كيف يشغل البلوتوث و ازعاج في العالم … صحا يوم من الايام اكتشف انه مربي دقنه و مقصر ثوبه …و ملف اخضر مقدم على الهيئة …يبي يامر بالمعروف … تعين طبعا لانه يحمل المؤهلات الشكلية المناسبة … فما كان منه الا ان اخبر رجالات الهيئة عن الفساد الذي كان يلحظه و هو يرتشف فنجانا من القهوة و يقرا الجريدة في د.كيف ..
الخلاصة : اللوحة الغبية بأمر من هيئة الامر بالمعروف و طق المنكر …
و ااااااااه ما رق الرياض …
مع التحية
انا واحد كتب,
يونيو 6, 2008 في 8:26 م
يا خي البلوتوث منع عشان المغازل وقلة الحيا اللي تصير بعض الاحيان من الشباب الله يهديهم اما عن النكتة الظريفة المبكية حقت اللي صار يحمل المؤهلات الشكلية المناسبة فو الله إنك محاسب على هالكلمة لأنهم جالسين يطبقون أمر الله ورسوله مهما بدر منهم خطأ رح انصحهم ولا تتكلم عليهم وتسبهم لأن هذا ما يجوز لك لأنك جالس تعارض أوامر الرب سبحانه (( ولتكن منكم أمة يدعون إلى الخير ويأمرون بالمعروف وينهون عن المنكر…)) والواجب إنك تشكرهم لأنهم ما مشو على هواهم ولذاتهم والشكر موصول لمن شارك والله يهدينا واياكم