iNdoOo:

يعطيك العافية يا محمد موضوع جداً مهم فعلاً ..

و لسا اليوم كنت بتكلم عن الموضوع ذا مع أخويا و ماما ..

أما مين المسؤول ،، فأتوقع ان شركه الاتصالات لها دور كبير في الموضوع !!

بس لو كانت الاعلانات بتجي حتى ع الشركات الثانيه !!

هل فيه برامج ممكن تتحكم بالرسائل الوارده !

عجبتني حكاية الحملات بس ما راح تضغط ع الاتصالات الا لو كانت حمله قويه لسبب بسيط ان الشركه بتكسب فلوس من ورى عمليه الرسائل ذي

انا اذا كنت شركه أو محل وعندي منتج ابغا اسوق له احدد شريحتي المستهدفه و ادفع المبلغ المطلوب منى لشركة الاتصالات حسب عدد الارقام و الفئه المستهدفه و هم يرسلون لي المسج التسويقي ( السبام )

ما أدري المفروض شركات الاتصال تحط خيار لعملائها باستقبال او عدم استقبال رسائل السبام في المسج الصوتي اللي يطلع لنا لما نتصل على ٩٠٢ ..

و بالتأكيد لازم ها الشي يراعي لاصحاب الشرائح المسبوقه الدفع

شكرا لك يا محمد و بانتظار الحلقة ٣

prettyBANG:

السبام مشكلة في كل مكان، خاصة انه عبر الجوالات/الانترنت/الشبكات ممكن يتوصلوا لك بسهوله وبدون ما يتعرضوا للإحراج.
اما الإعلانات فمجدداً الاتصالات لها دور كبير فيها واكيد هي سامحه ممكن لنفسها ولغيرها بانهم يرسلوا اعلاناتهم عبر شبكتهم، واكيد لها مردود ومكسب مالي لهم.

كلمت احد الشباب وقال حول رقمك لعام وراح تنتهي المشكلة ذي.
لكن مو شرط برضوا للكل الحق بأنه يوقفها.

كيف يحصلوا رقمك ؟ ممكن عبر اشتراكك في خدمات او اتصالك فيها.
على سبيل المثال شخص اتصل على mbc برنامج مسابقات مثلاً فراح يتسجل رقمه
في قاعدة بيانات عندهم ويصيروا يستخدموا القاعدة هذه بالتالي تحصل رساله لك منهم.

اعتقد ان الخدمة نفسها هي اللي تتيحل للشركات (بنوك،شركات،مدارس) بأنها
ترسل رسائل لموظفيها او افرادها بشكل عام رسائل كتنبيه لشيء معين.

اعتقد ايقافها بشكل كامل امر صعب، مع انه شركة زي الاتصالات مفروض تكون
اول طرف يبحث عن رضا المستخدمين عندها لكن هم ضامنين تواجد وبقاء العملاء معهم.

اما عن الحل فممكن تكون مجموعات مهتمة بالامر وتحدد موعد معين وتبدأ الشكاوي من المجموعات هذه في وقت واحد. (فكرة بسيطة P

أحمد:

اختصر عليك الاشكالية من واحد له في الشغلانة دياااا :
- هل تعلم أن بإمكانك شراء رسائل بلك مسج من الاتصالات .. زاتها، الاتصالات تبيع بلك مسج للمشتركين وحسبما اذكر كانت في موقع الشركة ( لا ادري لازالت موجودة أم لا) ، ببساطة تستطيع شراء بلك مسج وإرسال دعاية عن بقالة الرحيلي ، على فكرة الكمية تباع بالملايين .. يعني تشتري مليون رسالة خمسة مليون .. والداتا غير مصنفة ابدا (قد تذهب نصف الرسائل لجوالات عمالة هندية مثلا)
- كثير من الشركات (الحاضنة لخدمة الرسائل) مثل الشركات المشغلة لجوالات الاندية او القنوات الفضائية تبيع الداتا لأغراض دعائية مثلا ( ممكن نرسل لك 100 الف مسج لمطاوعة ) .. تدري كيف يجيبون مية ألف جوال لمطاوعة مهتمين بالامور الدينية مثلا .. ببساطة ياخذوا داتا من المشتركين في جوال الشيخ الفلاني واحيانا يقال أن بعض الشركات تتبادل الداتا فيما بينها لأغراض دعائية مثل (بالله خذ خمسين ألف جوال نسائي لمشتركات في قنوات طبخ وباقات ازياء واعطيك 80 ألف رقم جوال لناس مهتمة بالاقتصاد والاسهم من خلال باقة جوالات الاسهم)
- بعضها وهو قليل جديد يكون الداتا بنفسه .. يعني لما تحط جوالك عند محل خياطة في النهاية يكون لدى المحل 300 رقم جديد مثلا كل شهر تجمع لحد 5000 رقم وترسل لهم الدعاية وهذه بالعادة يكون تصنيف الداتا فيها جيد ( لانه بيطلع اي مدينة مثلا) يعني انت ماراح تفصل ثيابك في الخبر .. صح ؟ بالتالي كل الارقام اللي مأخوذه من المحل حق جدة هي لناس في جدة .. وهكذا ، واحيانا الداتا حقت المستشفيات تصير مرة رهيبة لان فيها كل شي .. العمر .. والجنس والعنوان .. يعني مثلا ممكن يرسل بس لسكان شمال الرياض عن افتتاح مقهى التحدي اللي اقلق امي برسايله ..
- بعضها عشوائي .. ترسل بطريقة راندوم .. خبط لزق .. تجي لجوال ابوك .. جوال السواق .. جوالك .. مافيها اي تصنيف مجرد ارسال نصف مليون رسالة دعائية وكفى وهذي عادة لما تجي الشركات الدعائية تلعب على واحد ماله في الشغلانة او كما نقول في الرياض (يدربي راسه) .. يلعبون عليه ويقولون له خلاص بنرسل لك دعاية لمليون رقم ويعطونه الفواتير والكشوفات .. بس كلها ارقام راندوم نصها لهنود وبنقالية ولا عجز ..

- المشكلة الأعظم والكبرى والتي لا يمكن أن تحل وقد تتفاقم في سنوات لاحقة (وش رايك في تتفاقم عاد .. قوم دق لي تحية عسكرية) .. اقولك تتفاقم هي مشكلة الرسائل الواردة من مشغلين في الخارج، العملية صارت احتراف وصاروا يرسلوا الدعاية من مشغلين في تايلند ولا هونج كونج ولا حتى دول ماتدري وينها .. فلما تشتكي انت للاتصالات وتققول لهم عن الدعاية يقوموا الاتصالات ياحبة عيني يحجبوا الرقم المرسل .. وهو مجرد رقم يعني مرسل الدعاية طبيعي مرة ثانية راح يغير لمشغل آخر .. وهكذا وهذي حلها صعب إلا بتدخل الشركات المصنعة للأجهزة من خلال أساليب ذكية كحال الايميل (والجنك ميل) .. ديو اندر استاند ولا ايه الحكاية بالزبط على قولة ام اللمبي غفر الله ماتقدم من ذنبها ..

- تبي حلي على الطريقة السعودية ؟ (مهيب بعيدة عن خوينا اللي يقول الاخلاق السعودية ) .. أقولك الطريقة هي ان هيئة الاتصالات تشغل مباحث او ناس تراقب .. يعني تجيك الدعاية من بوفيه الرحيلي وفيها عرض جديد .. الباحث أو المباحث حق الهيئة يدق على البوفيه او يزوره .. يقوله انتم بالله مرسلين دعاية في الجوالات عن كذا صح ؟.. أن تجاوب معناته انه اعترف بمخالفة نظام الهيئة .. على كذا هيئة الاتصالات يجيبونه في وسط نفق العروبة بالرياض ويصدمونه بكابرس اسود .. لين يصير مرسل الدعاية رجال ويعرف الصح من الخطأ ..
بمعنى آخر معهد اللغة اللي أرسل لك .. لما تجي هيئة الاتصالات شكوى من مواطن صالح مثلك يزورون المعهد بس مايقولون احنا من الهيئة لان المعهد طبيعي بينكر انه ارسل .. بس يقولون احنا نبي ندرس مثلا هل انتم مرسلين العرض .. تجاوب المعهد معهم دليل كاف على ادانته ..

تدري وش البلى عاد .. ان أكثر السبام دعايات من الاتصالات نفسها .. أقلقوا أمنااااااا

Abdulrazaq:

الله يعطيك العافية محمد،

أنا سمعت قبل فترة إن الاتصالات تبيع الارقام أصلا على الشركات ، إذا جتها شركة تبي تعلن تطلب مثلا 1000 رقم او مئة ألف رقم عشوائي مقابل سعر معين ..

يعني اللعبة كلها تحت عين الاتصالات بل و مسؤولة عنها ..

بصراحة سبام جدًا ترفع الضغط ، بعض الاحيان أكون نايم و الجوال حولي و أنا من النوع اللي اذا سمعت صوت جوالي او صوت عالي اصحى و اشوف ايش فيه .. و ياكثر ماقمت على صوت المسج حقي ( excuse me boss you have a text message ) أقوم متحمس و أشوف المسج و ألقاه سبام و أتحططططم ، و أرمي الجوال بآخرررر الغرفة من القهر ..

لازم نشوف حل للموضوع هذا محمد ، و بدق على الاتصالات أنا برضوا و بشوف ..

يعطيك العافية و شكرًا على البودكاست الحلو ، تمنيت بس لو رافع صوتك شوي أو مقرب الكام ..

مازن الضراب:

حياك الله محمد . .
تدوينه ممتازة والموضوع فعلا ً مهم
اتصلت بـ 902
وكان رد الموظف ، أن أقوم بإبطال تلقي اي دعايات عن طريق جهازي نفسه باتباع الخطوات التالية :
الرسائل / رسائل الوسائط / إعدادات رسائل الوسائط / (إيقاف) استلام الإعلانات . .

سنرى نتائجها

بالتوفيق ،

أفنان أباحسين:

يعطيك العافيه

يبدو من كثر ما الموضوع مسبب أزمه و العالم تشتكي افتتحوا هالموقع

http://www.spam.gov.sa/ara_main.htm